May mga bagay kang napagtatanto sa tuwing ika’y napapahinto​
Tanong na pilit aalamin ang mga sagot kahit nakakalito​
Bakit kailangan ng katapusan sa istorya ni toto?​
Saan patungo ang sunod nating papasukang kanto?





Hindi ko nga alam bakit ginagawa ko ito?​
Tatanghalin ba akong santo pagkatapos nito?​
Mas mabuti pang mamulot at magipon ng bato​
Kaysa tumaya sa walang kasiguraduhan lotto





Lahat ng ito ay impluwensya ng aking idolo​
Pinipilit kong magsulat kahit hindi naman ako​
Pero may magbabasa nito pusta ko​
Mga kaibigang napilitan ngunit totoo



​

​
Naiintindihan mo ba ako?​
Marahil hindi, marahil oo.​
Isa lang naman ang nais ko sa tulang ito.​
Magkaroon ng tugma na ang dulo ay ‘O’

Salamat po